一個焗爐搞掂之一人晚餐

今晚得返我自己一個食飯。整d簡單野食囉。
就黎夏天，要食得清減。唔可以肥dodo著背心咁cute架麻。
懶落街既我又搵雪櫃喇。有三文魚柳，青瓜，日本蕃薯仔。
好!就整你地啦！再懶d,一個焗爐搞掂你地。仲要20min食得。
焗香草三文魚拼青瓜沙律及焦糖蕃薯。

焗香草三文魚做法
三文魚柳加少少香草，黑椒，olive oil，鹽，白酒。
用錫紙包住焗20min。
食時可以加d檸檬汁

簡易青瓜沙律做法
青瓜雪凍，用刨刨青瓜片
加少少黑椒，鹽，陳醋，olive oil, 拌勻就食得

焦糖蕃薯做法
日本蕃薯切細件用錫紙包實，焗15min
打開錫紙加糖再焗5~10min至蕃薯乾身金黃，又食得